وش ویب: کوئٹہ میں کمشنر اور ڈپٹی کمشنر آفس کے سامنے لگے سیف سٹی کے کیمرے خراب ہو گئے۔
کیمرے گزشتہ کئی دنوں سے خراب پڑے ہیں۔ نجی ٹی وی کے ڈی ایس این جی انجنیئر کی موٹر سائیکل گزشتہ روز ڈی سی آفس کے سامنے سے نامعلوم چور لے گئے۔ چور کا سراغ سیف سٹی پروجیکٹ کے کیمروں سے لگانے کی کوشش کی گئی۔ کیمرے چیک کرنے پر پتہ چلا کہ کمشنر اور ڈی سی آفس کے سامنے لگے سیف سٹی پروجیکٹ کے کیمرے خراب پڑے ہیں۔ موٹر سائیکل چوری ہونے کی اطلاع فوری طور پر سول سائل تھانے کو دے دی گئی۔ 24 گھنٹے گزرنے کے باوجود موٹر سائیکل اور چور کا کوئی سراغ نہ لگایا جاسکا۔
