وش ویب: چشمہ جہلم لنک کینال میں ڈوبنے والے 5 لڑکوں کی لاشیں نکال لی گئیں۔2 روز قبل چشمہ جہلم لنک کینال میں 10 نوجوان کشتی میں سوار ہوکر گئے تھے.
دریا میں پانی کے تیز ریلے کی وجہ سے کشتی الٹ گئی تھی۔ریسکیو ذرائع کے مطابق واقعے کی اطلاع ملتے ہی ریسکیو آپریشن کیا گیا اور 4 نوجوانوں کو بچا لیا گیا تھا جب کہ 6 کی تلاش جاری تھی۔ریسکیو ذرائع نے بتایا کہ دو روز کی محنت کے بعد چشمہ جہلم لنک کینال میں ڈوبنے والے 5 لڑکوں کی لاشیں نکال لی گئیں اور ایک نوجوان کی تلاش جاری ہے۔
