وش ویب: یومِ عاشور کے موقع شہدائے کربلا کی یاد میں سیاسی رہنماؤں کی جانب سے پیغامات جاری کیے جا رہے ہیں۔
وزیرِ اعلیٰ بلوچستان میر سرفراز بگٹی نے یومِ عاشور کے موقع پر اپنے پیغام میں کہا ہے کہ شہدائے کربلا کی قربانیاں ظلم کے خلاف اٹھ کھڑے ہونے کا درس دیتی ہیں۔وزیرِ اعلیٰ بلوچستان کا کہنا ہے کہ یہ دن ہمیں باہمی رواداری اور اتحاد بین المسلمین کاپیغام دیتا ہے۔
دوسری جانب بلوچستان کے درالخلافہ کوئٹہ میں یومِ عاشور کے موقع پر موبائل فون سروس معطل ہے۔کوئٹہ میں یومِ عاشور کا جلوس آج صبح 9 بجے کے قریب علم دار روڈ سے برآمد ہوا۔یاد رہے کہ ملک بھر میں 10 محرم الحرام کے موقع پر چھوٹے بڑے شہروں میں جلوس نکالے گئے ہیں۔
