وش ویب : کوئٹہ میں بلوچ یکجہتی کمیٹی کی جانب سے جبری طور پر گمشدہ فاروق بلوچ کی بازیابی کے لیے دھرنا کمشنر آفس کے سامنے ساری رات جاری رہا اور اب بھی جاری ہے۔ بلوچ یکجہتی کمیٹی کے مطابق ابھی تک انتظامیہ کی جانب سے کوئی ان کے پاس کوئی یقین دہانی کرانے نہیں آیا۔
انھوں نے بتایا رات کو انتظامیہ مذاکرات کے لیے آئی مگر انہوں نے CTD کے خلاف ایف آر کرنے سے صاف انکار کیا اور کہا کہ ہم نامعلوم افراد پر ایف آئی آر کریں گئے۔
بلوچ یکجہتی کمیٹی کا کہنا ہے کہ ہمارے پاس عینی شاہدین موجود ہیں جن کے سامنے CTd نے یہ کاروائی سرانجام دی۔ ہمارے چھ طلباء کو لاپتہ کیا گیا۔پانچ کو چھوڑ دیا مگر اب تک فاروق بلوچ بازیاب نہیں ہوا
بلوچ یکجہتی کمیٹی کی مطالبہ ہے کہ فاروق بلوچ کو بازیاب کیا جائے یا ان لوگوں پر ایف آئی آر کی جائے جنہوں نے فاروق بلوچ کو جبری طور پر لاپتہ کیا ہے۔