وش ویب: بلوچستان بار کونسل کے جاری ایک بیان میں سپریم کورٹ آف پاکستان کی جانب سے اسلام آباد ہائی کورٹ کے جحج جسٹس شوکت صدیقی کو بحال کرنے کے فیصلے کا خیر مقدم کیا.
تفصیلات کے مطابق بلوچستان بار کونسل کے جاری ایک بیان میں سپریم کورٹ آف پاکستان کی جانب سے اسلام آباد ہائی کورٹ کے جحج جسٹس شوکت صدیقی کو بحال کرنے کے فیصلے کا خیر مقدم کرتے ہوئے کہا کہ پاکستان کے تاریخ میں سپریم جوڈیشل کونسل کی جانب سے ایک معزز جحج کو محض اس لئے فارغ کیا تھا کہ خفیہ ادارے پاکستان کے جوڈیشل عمل میں رکاوٹ ڈالتے ہیں. اس وقت کے اسلام آباد ہائیکورٹ کے جحج جسٹس شوکت صدیقی نے پنڈی بارسے اپنی تاریخی خطاب میں ان خفیہ اداروں کا ذکر کیا تھا .
اس وقت کے جوڈیشل کونسل نے آئینی تقاضےپورے نہیں کئے تھے سپریم جوڈیشل کونسل کے اس فیصلے کو جسٹس شوکت صدیقی نے چیلنج کیا تھا بیان میں کہا کہ جسٹس شوکت صدیقی کے برطرفی کے خلاف بلوچستان بار کونسل نے ہر فورم میں آواز بلند کی تھی. اس کی برطرفی کے خلاف آزاد عدلیہ کے خلاف ایک سازش تھی. بیان میں کہا کہ آج سپریم کورٹ کا تاریخی فیصلہ آزاد عدلیہ کے کو ششوں کیلئے سنگ میل ثابت ہوگا. جسٹس شوکت صدیقی کیس میں سپریم کورٹ بار کے سابق صدر حامد خان کا کردار بھی قابل ستائش رہا ہے. بلوچستان بار کونسل سپریم کورٹ کے اس فیصلے کا خیر مقدم کرتا ہےاور تمام ادارے اپنے اپنے دائرہ اختیار میں رہ کر اپنا کام کریں. کسی کے کام میں بے جا مداخلت سے گریز کیا جائے.
