ٹھٹھہ (تنویر علی ): گهارو میں کے ڈی اے روڈ پر ڈکیتی کے دوران نامعلوم ملزمان نے صحافی مخدوم عابد کے نوجوان بھائی مخدوم عبد الخالق کو قتل کر دیا، ملزمان فرار ہو گئے۔
تفصیلات کے مطابق دو موٹر سائیکل سواروں نے نوجوان کو لوٹنے کی کوشش کی، جس پر نوجوان کی مزاحمت پر ملزمان نے نوجوان کو گولی مار دی۔
گهارو پولیس نے متوفی نوجوان کی نعش کو رورل ہیلتھ سینٹر گھارو منتقل کردیا.
قتل ہونے نوجوان کے ورثہ نے گھارو کراچی ٹھٹھہ نیشنل ہائی وے بلاک کردیا ۔ مظاہرین نے گھارو پولیس کے خلاف شدید نعرے بازی کی اور کہا کہ جب تک ہمارے قاتل گرفتار نہیں ہوں گے تب تک دھرنا جاری رہے گا۔
یاد رہے گھاروں میں ایک ہفتے میں یہ دوسرا قتل کا واقعہ پیش آیا ہے، شہر میں ڈکیتیوں کی وارداتوں میں بے پناہ اضافہ ہوگیا ہے.