وش ویب:وفاقی محتسب ریجنل افس کوئٹہ میں کوئٹہ کی رہائشی درخواست گزار لال بخش نے درخواست دائر کی تھی کے وہ پاکستان پوسٹ میں ملازمت کرتا تھا جو 2022 میں ریٹائر ہوگیا انہیں GP فنڈ کے 11،28،000 ہزار روپے ملنے تھے پر متعلقہ محکمے کی جانب سے تاخیر کی جا رہی ہیں۔
درخواست گزار کا مزید کہنا تھا کہ انہوں نے اس سلسلے میں کہی بار متعلقہ دفتر سے رابطہ کیا اور دفتر کے چکر لگائے مگر انکی کوئی شنوائی نہیں ہوئی۔بالاخر مجبور ہو کر انہوں نے انصاف کے حصول کی خاطر وفاقی محتسب کے ادارے میں درخواست دائر کی۔درخواست موصول ہوتے ہی ریجنل افس کوئٹہ کے عملے نے انکوائری کا اغاز کیا۔
متعلقہ محکمے کے عملے کو طلب کر کے جواب مانگا۔متعلقہ محکمہ جواز پیش کرنے میں ناکام رہا۔چنانچہ وفاقی محتسب نے احکامات جاری کیے کہ فوری طور پر درخواست گزار کی GP فنڈ کی رقم جو 11،28،000 بنتی ہے انہیں ادا کی جائے۔ وفاقی محتسب کے احکامات موصول ہوتے ہی متعلقہ محکمے نے درخواست گزار کی 11،28،000 کی رقم ان کو ادا کردی۔درخواست گزار نے وفاقی محتسب کے اس احسن اقدام پے شکریہ ادا کیا۔