وش ویب : وزیر اعلیٰ بلوچستان میر سرفراز بگٹی کا بلوچستان کے علاقے راڑا شم میں سی ٹی ڈی اور سیکورٹی فورسز کی کامیاب کارروائی پر اطمینان کا اظہار کیا اور جوانوں کو خراج تحسین پیش کیا۔
وزیر اعلٰی بلوچستان میر سرفراز بگٹی کہنا تھا کہ بلوچستان میں دہشت گردوں کو ہر محاذ پر شکست ہوگی۔ سی ٹی ڈی اور سیکورٹی فورسز نے بروقت کارروائی کرکے دہشت گردی کی کارروائی ناکام بنا دی۔ دہشت گردوں کے خلاف کامیاب کارروائی پر سی ٹی ڈی اور سیکورٹی فورسز کے جوانوں کو سراہتے ہیں۔ دہشت گردوں کے خلاف محتاط آپریشن کرکے سیکورٹی فورسز نے دہشت گردوں کو جہنم واصل کیا۔
انکا مزید کہنا تھا دہشت گرد اندھا دھند دہشت گردی کرکے عام آدمی کو نشانہ بناتے ہیں۔ اس کے برعکس سیکورٹی فورسز محتاط کارروائی کرکے دہشت گردوں کو نشانہ بناتے ہیں تاکہ عام آدمی کو نقصان نہ ہو۔ ہمارے سیکورٹی فورسز کے بہادر جوان دہشت گردوں کے خلاف پوری بہادری سے برسر پیکار ہیں۔ امن کے لئے سی ٹی ڈی اور سیکورٹی فورسز فرنٹ لائن پر اپنا کردار ادا کررہی ہیں۔ بحالی امن کیلئے سیکورٹی فورسز اور سویلین شہداء کی قربانیاں رائیگاں نہیں جائیں گی۔ بلوچستان میں امن قائم کرکے دم لیں گے۔
