وش ویب: وفاقی وزیرداخلہ اور چیئرمین پی سی بی محسن نقوی نے سکھ برادری کو چیمپئنز ٹرافی کے میچز دیکھنے کے لیے پاکستان آنے کی دعوت دے دی۔
لاہور میں امریکا سے آئے ہوئے سکھ یاتریوں سے ملاقات میں گفتگو کرتے ہوئے محسن نقوی نےکہا کہ سو بسم اللہ آپ پاکستان کرکٹ میچز دیکھنے آئیں اور چیمپئنز ٹرافی کے لیے آئیں۔
محسن نقوی نے کہا کہ چیمپئنز ٹرافی میں پاک بھارت میچ دیکھیں، اس کے لیے ہم خصوصی کوٹہ رکھ رہے ہیں، کیونکہ بھارت سے بھی بہت سے لوگوں نے میچز دیکھنے آنا ہے۔
چیئرمین پی سی بی کا کہنا تھا کہ چیمپئنز ٹرافی کے لیے خصوصی انتظامات کر رہے ہیں، آپ کو آدھے گھنٹے میں ویزہ فراہم کیا جائےگا ، آپ سال میں 10 مرتبہ آئیں کوئی تکلیف نہیں ہوگی۔
