وش ویب: وزیر اعلٰی بلوچستان میر سرفراز بگٹی نے پاکستان پیپلزپارٹی کے صوبائی وزراء، مشیران سے ملاقات کی۔
بلوچستان میں عوامی فلاح و بہبود کے منصوبوں کی پیش رفت سے متعلق گفتگو کی۔ وزیر اعلٰی بلوچستان میر سرفراز بگٹی کا کہنا تھا کہ گڈ گورننس پہلی ترجیح، عوامی مشکلات حل کرنے کے لئے پرعزم ہیں، بہتر طرز حکمرانی سے ہی عوام کے مسائل حل کئے جاسکتے ہیں۔ صدر آصف علی زرداری اور چئیرمین بلاول بھٹو زرداری کی رہنمائی میں صحت کے شعبے کی بہتری کیلئے کوشاں ہیں۔ سندھ کی طرز پر پبلک پرائیویٹ پارٹنر شپ کے تحت جدید طبی ادارے قائم کریں گے۔ بینظیر بھٹو اسکالرشپ پروگرام صوبے کی تاریخ کا مثالی تعلیمی پروگرام ہے۔ہر ضلع سے ہر سال بیس ٹاپرز طلبہ و طالبات کی 16 سالہ تعلیمی کفالت صوبائی حکومت برداشت کرے گی۔ بلوچستان میں پی ایچ ڈی کے طالب علم دنیا بھر کی 200 جامعات میں پڑھیں گے۔