وش ویب: جیکب آباد میں پولیو ورکر سے ذیادتی کے معاملے پرصوبائی وزیر شاہینہ شیر علی اور رکن سندھ اسمبلی شیر محمد مغیری متاثرہ پولیو ورکر کے گھر جا کر ان سے ملاقات کی۔
سندھ حکومت کی جانب سے اعلان کردہ 50 لاکھ کا چیک متاثرہ خاتون کے حوالے کیا گیا۔ شیر محمد مغیری کا کہنا تھا کہ وزیر اعلیٰ سندھ کے حکم پر پولیو ورکر کو پچاس لاکھ کا چیک دیا ہے۔ سندھ حکومت نے متاثرہ خاتون کی مدد کیلئے مالی امداد کا اعلان کیا تھا۔ شاہینہ شیرعلی نے کہا کہ پیپلز پارٹی متاثرہ خاندان کو تنہا نہیں چھوڑے گی۔ متاثرہ پولیو ورکر کو سرکاری نوکری بھی جلد فراہم کی جائے گی۔ ذیادتی کیس میں غفلت برتنے پر ایس ایس پی ڈی سی اور ڈی ایچ او کو ہٹایا گیا تھا۔ متاثرہ خاتون کا کہنا تھا کہ مشکل وقت میں سندھ حکومت نے بھرپور تعاون کیا جس کے لئے میں ان کی انتہائی مشکور ہوں۔
