وش ویب: حزب اللہ کے اسرائیل کی فوجی چھاؤنی پر ڈرون حملے میں 3 افراد ہلاک اور 67 زخمی ہوگئے۔
الجزیرہ نے اسرائیلی آرمی ریڈیو کے حوالے سے بتایا ہے کہ حزب اللہ نے بنیامینہ میں گولانی بریگیڈ کے کیمپ کو ڈرون سے نشانہ بنایا جس میں تین افراد ہلاک اور 67 زخمی ہوئے ہیں۔
ایک بیان میں حزب اللہ نے کہا کہ اس نے اتوار کی شام حیفا شہر کے جنوب میں اسرائیلی فوجی تربیتی اڈے پر ڈرون حملہ کیا، اسرائیلی ایمبولینس سروس کے سربراہ نے بتایا کہ زخمیوں میں چار افراد کی حالت تشویشناک ہے۔
دوسری جانب غزہ پر اسرائیلی حملوں میں اتوار کو مزید 34 فلسطینی مارے گئے، مقامی طبی ذرائع کے مطابق شہداء میں پانچ بچے بھی شامل ہیں جو اسرائیلی ڈرون حملے کے وقت شاتی پناہ گزین کیمپ میں فٹبال کھیل رہے تھے۔
