وش ویب: ڈائریکٹر کالجز بلوچستان کلیم اللہ زاہد نے گورنمنٹ گرلز ڈگری کالج تربت کا دورہ کیا۔
انہوں نے کالج کی تدریسی اور انتظامی سرگرمیوں کا معائنہ کیا. ڈائریکٹر کالجز نے بی ایس مڈ ٹرم امتحانی ہال کا بھی جائزہ لیا اور دو طالبات کو ان کی نمایاں کامیابیوں پر انعامات سے نوازا۔ ڈائریکٹر نے بہترین کارکردگی، نظم وضبط پر اطمینان کا اظہار کرکے پرنسپل گل جان خالد اور وائس پرنسپل ہما اکبر سمیت اسٹاف کی کوششوں و دلچسپی کی تعریف کی اور کہا کہ یہ مکران ڈویژن کا واحد کالج ہے یہاں اسٹوڈنٹس کی تعداد زیادہ ہونے کے باوجود نظم وضبط اور صفائی ستھرائی مثالی ہے۔ ڈائریکٹر نے کالج میں ٹرانسپورٹ اور دیگر مسائل حل کرنے کی یقین دہائی کی اور فی الحال اس سال ایک بس فراہم کرنے کا وعدہ کیا۔
اس موقع پر ڈویژنل مانیٹرنگ آفیسر مکُران پروفیسر طارق بلوچ اور اسسٹنٹ ڈائریکٹر مانیٹرنگ آفیسر شریف شمبئے زئی اُن کے ہمراہ تھے۔
