وش ویب: وزیر اعلٰی بلوچستان میر سرفراز بگٹی کی ہدایت پر وزراء و پارلیمانی سیکرٹریز کی دکی آمد ہوئی۔
صوبائی وزراء نے دکی میں دہشتگردی کا نشانہ بننے والے مزدوروں کے ورثاء اور احتجاج کنندگان سے مذاکرات کئے۔ حکومتی کمیٹی اور احتجاج کنندگان کے مابین مذاکرات کامیاب ہوگئے۔
حکومتی کمیٹی اور احتجاج کنندگان میں اتفاق ہوا کہ دہشتگردی کے واقعات کی روک تھام کیلئے مل جل کر کام کرنا ہوگا۔ صوبائی حکومت شہداء کے ورثاء کو فی کس 15 لاکھ روپے ادا کرے گی۔ شدید زخمی کو 5 لاکھ اور معمولی زخمی کو 2 لاکھ روپے معاوضہ ادا کیا جائے گا۔
حکومتی وزراء اور احتجاج کنندگان میں مذاکرات کی کامیابی کے بعد ورثاء لاشوں کی تدفین کے لئے روانہ کردیا گیا۔
