وش ویب: سیکورٹی فورسز کی ڈھاڈر میں کاروائی فائرنگ کے تبادلے کے بعد کالعدم ٹی ٹی پی کے تین دہشت گرد ہلاک ہوگیا۔
ایس ایس پی کچھی کیپٹن(ر)دوست محمد بگٹی کا کہنا تھا کہ کاروائی ڈھاڈر کے علاقے دوپاسی پل کے قریب کی گئی۔ سی ٹی ڈی نے خفیہ اطلاع پر کارروائی کی مطلوب دہشت گردوں سے اسلحہ دھماکہ خیز مواد برآمد کرلیا۔3 نامعلوم ہلاک دہشت گردوں سے 7 کلو دھماکہ خیز مواد ،ایک موٹر سائیکل،2 نائن ایم ایم پسٹل بمعہ راونڈز برآمد کی گئی۔ کالعدم تنظیم کے 3 دہشتگرد گھات لگا کر دھشت گردی کا منصوبہ بنارہے تھے۔ نامعلوم دہشتگردوں کی شناخت فنگر پرنٹ کے ذریعے متعلقہ ادارے کو بھجوائی جائے گی۔ہلاک دہشت گردوں کی لاشیں سول ہسپتال ڈھاڈر منتقل کردی گئی ہیں۔ ایم ایس سول ہسپتال ڈھاڈر ڈاکٹر محمد زاہد کے مطابق 3دہشت گردوں کی لاشیں ضروری کاروائی کے بعد کوئیٹہ سول ہسپتال کولڈروم بھجوائی جائیں گے۔