وش ویب: کوئٹہ میں صوبائی سیکرٹری بلدیات و دیہی ترقی عبدالرؤف بلوچ کی زیر صدرات ترقیاتی منصوبوں اور جاری پی ایس ڈی پی کے حوالے سے جائزہ اجلاس منعقد ہوا۔
اجلاس میں سیکرٹری بلدیات عبدالرؤف بلوچ کا کہنا تھا کہ حالیہ پی ایس ڈی پی کے تحت منظورِ شدہ 413 اسکیموں پر ٹینڈر کا عمل مکمل کر لیا گیا ہے جو کہ خوش آئند ہے، شہریوں کی تفریح کیلئے ماحول دوست پارک کا قیام بھی ترقیاتی منصوبوں میں شامل ہے، بلوچستان کے بہتر مستقبل کیلئے بڑھتی ہوئی آبادی کے تناسب سے اقدامات کئے جا رہے ہیں اور محدود وسائل میں رہتے ہوئے عوام کیلئے بہتر سہولیات کی فراہمی پر منصوبہ بندی بھی کر رہے ہیں۔
سیکرٹری بلدیات عبدالرؤف بلوچ نے وزیر اعلٰی بلوچستان کی ہدایات کے مطابق محکمہ بلدیات میں سروسز کی بہتر فراہمی، ترقیاتی منصوبوں اور تمام اسکیموں کی بر وقت تکمیل کیلئے محکمہ بلدیات کے تمام آفیسران کو احکامات بھی جاری کیے، انکا کہنا تھا کہ صوبے میں ترقیاتی منصوبوں کی بروقت تکمیل سے مثبت تبدیلی نظرآئے گی۔