وش ویب: جیکب آباد میں جماعت اسلامی کی جانب سے فلسطینیوں سے اظہار یکجہتی کیلئے احتجاج، کارکنان نے فلسطین پر حملوں کی مذمت کرتے ہوئے اسرائیل مخالف نعرے بازی کی۔
جماعت اسلامی کے زیر اہتمام ڈی سی چوک پر احتجاج کیا گیا جس میں خواتین اور بچوں نے شریک ہوکر پلے کارڈ اٹھائے اسرائيل اور امریکا مخالف نعرے بازی کی گئی، احتجاج میں شامل شرکاء سے خطاب کرتے ہوئے مقررین کا کہنا تھا کہ فلسطین میں جاری اسرائیلی بربریت اور بمباری سے سینکڑوں نہتے فلسطینی شہید ہوچکے ہیں فلسطین میں مسلسل جاری ظلم و جارحیت سے پوری دنیا کے امت مسلمہ افسردہ ہیں ان کا مزید کہنا تھا کہ امریکہ اسرائیل کے پشت پناہی کر رہا ہے جس کے باعث اسرائیل فسلطین، لبیان اور مسجد اقصیٰ پر قابض ہونا چاہتا ہے اسرائيلی حملوں سے خواتین اور بچوں کو بھی تشدد کا نشانہ بنایا جارہا ہے جو ناقابل برداشت عمل ہے مظاہرین کا کہنا تھا کہ اقوام متحدہ اسرائيلی جارحيت پر خاموش تماشائی بنی ہوئی ہے اب امت مسلمہ کو قبلہ اول کی حفاظت کیلئے آگے بڑھنا ہوگا۔
