وش ویب: محکمہ موسمیات نے نئی ایڈوائزری جاری کردی جس کے مطابق 5 تا 8 اکتوبر ملک کے بالائی علاقوں میں بارش کا امکان ہے۔
محکمہ موسمیات کے جاری کردہ بیان کے مطابق 5 اکتوبر سے ملک کے بالائی علاقوں میں مغربی ہوائیں داخل ہوں گی، جس کے بعد 5 سے 8 اکتوبر کے دوران کوئٹہ، ژوب، اور لسبیلہ میں بارش کا امکان ہے۔ اسی کے ساتھ چترال، دیر، سوات، شانگلہ، مالا کنڈ، صوابی میں بھی بارش کا امکان ظاہر کیا گیا ہے.
محکمہ موسمیات کے مطابق 5 سے 7 اکتوبر کے دوران اسلام آباد، مری، گلیات، گجرات، وسطی پنجاب اور جنوبی پنجاب کے چند علاقوں میں بارش ہوسکتی ہے. مردان، کرم، اورکزئی، کوہاٹ، ہنگو، ڈیرہ اسماعیل خان میں بھی بارش کا امکان ہے.
جبکہ محکمہ موسمیات کے مطابق صوبہ سندھ کے بیشتر علاقوں میں موسم گرم اور خشک رہے گا۔
