وش ویب : گورنر بلوچستان سے وفاقی وزیر سیفران و امور کشمیر انجنئیر امیر مقام کی ملاقات.
تفصیلات کے مطابق ملاقات کے دوران علاقائی پیش رفت، تنازعہ کشمیر اور پاکستان کے سیاسی منظر نامے سمیت اہم امور پر تبادلہ خیال کیا۔
اس موقع پر گورنر بلوچستان جعفرخان مندوخیل نے کہا کہ صوبے میں بنیادی ڈھانچے کو مضبوط بنانے اور موجودہ چیلنجز سے نمٹنے کیلئے وفاقی حکومت کی مدد و رہنمائی کی اشد ضرورت ہے.
انہوں نے اجتماعی احساس اجاگر کرنے پر زور دیتے ہوئے کہا کہ تمام جماعتوں کو ذاتی مفادات سے بالاتر ہوکر ملکی اور قومی مفادات کو ترجیح دینی ہوگی. صوبے صدر پاکستان، وزیر اعظم پاکستان اور وفاقی وزراء کے وقتا و فوقتاً دوروں سے وفاق اور صوبائی کے درمیان تعلقات کو خوشگوار بنانے، باہمی افہام و تفہیم کو فروغ دینے اور تعمیر و ترقی کے حوالے سے ایک دوسرے کے تجربات سے استفادہ کرنے میں مدد ملے گی.
وفاقی وزیر سیفران و امور کشمیر انجنئیر امیر مقام نے گورنر بلوچستان کو بلوچستان کے مسائل و مشکلات کے دیرپا حل اور موجودہ چیلنجز پر قابو پانے کیلئے وفاقی حکومت ہر ممکن تعاون فراہم کرنے کی یقین دہانی کرائی.
