وش ویب: حب میں صوبائی مشیر برائے صنعت میر علی حسن زہری کی حب آمد ہوئی۔
صوبائی مشیر صنعت نے حب شہر کے وسط سے گزرنے والے نالے کا دورہ کیا جبکہ میونسپل کارپوریشن چیف آفیسر کو صفائی کا حکم بھی دیا۔ صوبائی مشیر چھتہ گوٹھ پہنچے جہاں نیشنل پارٹی کے رہنما وڈیر رجب علی رند سے واجہ عبدالغنی رند کے وفات پر تعزیت و فاتحہ خوانی کی۔ جام کالونی میں پیپلزپارٹی کے میونسپل کارپوریشن حب جنرل کو نسلر وہاب رند کی والدہ کی وفات پران سے تعزیت اور فاتحہ خوانی کی۔ جام کالونی میں صوبائی مشیر نے ماسٹر منیر احمد بگٹی کے وفات پر ان رہائش گاہ پہنچ کر ان کے بیٹے سے تعزیت کی ۔ میر علی حسن زہری نے نیشنل پارٹی کے رہنماء رجب علی رند سے ون ٹو ون ملاقات بھی کیا ۔ ملاقات میں حب کے سیاسی صورتحال پر گفتگو ہوئی۔ ملاقات میں حب شہر کے مسائل اور ترقیاتی کاموں پر بھی تفصیلی گفتگو ہوئی جبکہ حب میونسپل کارپوریشن کے حوالے سے بات چیت کی اور اعتماد لانے کے لئے مزید مشاورت پر اتفاق کیا گیا۔
