وش ویب: جیکب آباد میں جے یو آئی کا اسماعیل ہنیہ کی شہادت اور اسرائیلی جارحیت کے خلاف ریلی نکالی گئی۔
جمعیت علماء اسلام کے کارکنان کی جانب اسرائیلی جارحیت اور حماس کے سربراہ اسماعیل ہنیہ کے قتل کے خلاف ریلی نکال کر شہر میں مارچ کیا گیا ریلی کی قیادت ڈاکٹر اے جی انصاری، مولانا عبدالجبار رند، حافظ محمد رمضان سومرو اور دیگر نے کی، اس موقع پر جے یو آئی کے ضلعی امیر ڈاکٹر اے جی انصاری نے خطاب کرتے ہوئے کہا کہ آج پوری امت مسلمہ اسماعیل ہنیہ کی شہادت پر غم زدہ ہے ان کے خون سے جو انقلاب آئے گا اس سے اسرائیل اور اس کے حواری نست و نابود ہوجائیں گے، انہوں نے کہا کہ اسرائیل دجالی ریاست ہے جو مظلوم فلسطینی مسلمانوں پر ظلم و بربریت کے پہاڑ گرارہے ہیں اسرائیلی جارحیت اور فلسطینی عوام کے قتل عام کے باوجود اسلامی ممالک کے سربراہ خاموش تماشائی بنے ہوئے ہیں، انہوں نے کہا کہ پوری امت مسلمہ اپنے فلسطینی بھائیوں کے ساتھ کھڑی ہے اور انشاء اللہ جلد اسرائیل کی ناجائز ریاست کو ختم کرکے دم لیں گے۔۔
