وش ویب: جیکب آباد کی تحصیل ٹھل سے اغواء ہونے والے زمیندار بہرام کھوسہ کی عدم بازیابی پر احتجاج کیا گیا، مظاہرین نے قومی شاہراہ بند کردی اور مظاہرین نے مغوی کی بازیابی تک احتجاج جاری رکھنے کا عندیہ دے دیا۔
مظاہرین نے قومی شاہراہ زیرو پوائنٹ کے مقام پر کیمپ لگا کر دھرنا دیا احتجاج کے باعث سندھ اور بلوچستان کو جانے والے ٹریفک مکمل طور پر بند ہوکر رہ گئی، احتجاج میں سندھ اور بلوچستان کے سردار معززین سمیت سیاسی سماجی اور مذہبی تنظیموں کے رہنماؤں نے بڑی تعداد میں شریک ہوکر پولیس کیخلاف نعرے بلند کیے، احتجاج میں شامل مظاہرین کا کہنا تھا کہ مغوی بہرام کھوسہ کو اغواء ہوئے تین ہفتے گزر گئے لیکن مغوی کی بازیابی کیلئے پولیس کی جانب سے کسی قسم کا کوئی تعاون نہیں کیا جارہا مغوی زمیندار بہرام کھوسہ کی رہائی کیلئے اغواء کاروں نے ایک کروڑ روپے تاوان طلب کر رکھا ہے جس کے باعث ورثاء جو ہیں وہ خاصی پریشانی میں مبتلا ہوچکے ہیں انہوں کا مزید کہنا تھا کہ مغوی کی رہائی کیلئے پولیس اٹھا کر پھیلی بے چینی کو ختم کیا جائے۔