وش ویب: کوئٹہ سیریس کرائم انوسٹی گیشن ونگ نے نواں کلی کوئٹہ میں قتل کرنے والے ملزم کو 12گھنٹے میں خاران سے گرفتار کر لیا ۔
پولیس ذرائع کے مطابق نواں کلی نجی ہائوسنگ اسکیم میں رہائش پذیر عامر گوگی ولد گوگی کو گزشتہ روز ذاتی رنجش پر ایک شخص نے فائرنگ کر کے قتل کر دیا تھا جس کا مقدمہ زرغون آباد پولیس نے درج کرکے کیس سیریس کرائم انوسٹی گیشن ونگ کے حوالے کر دیا تھا۔ ذرائع نے بتایا ہے کہ ایس یس پی سیریس کرائم انوسٹی گیشن ونگ کپٹن (ر) زوہیب محسن کی سربراہی میں ٹیم نے جدید ٹیکنالوجی کا ستعمال کرتے ہوئے12گھنٹے میں قتل میں ملوث ملزم منور کو جمعرات کی شب خاران سے گرفتار کر کے کوئٹہ منتقل کر دیا ۔جس سے مزید تفتیش کی جارہی ہے آئی جی پولیس بلوچستان عبدالخالق شیخ نے سیریس کرائم انوسٹی گیشن ونگ کی بروقت کارروائی کو سہراتے ہوئے ٹیم کو مبارکباد پیش کی۔
