وش ویب:کاؤنٹر ٹیررازم ڈپارٹمنٹ (سی ٹی ڈی) خیبر پختونخوا نے دہشت گردوں کے خلاف کارروائیوں کے اعداد وشمار جاری کردیے۔سی ٹی ڈی دستاویز کے مطابق رواں برس خیبر پختونخوا میں 117 انتہائی مطلوب دہشت گرد ہلاک کیے گئے جبکہ 299 دہشت گردوں کو گرفتار کیا گیا۔دستاویز کے مطابق صوبے کے 26 اضلاع میں دہشت گردی کے 237 واقعات رونما ہوئے، جن میں 65 پولیس اہلکار شہید اور 86 اہلکار زخمی ہوئے ہیں۔سی ٹی ڈی دستاویز کے مطابق شمالی وزیرستان میں 40 واقعات میں 20 شدت پسند ہلاک اور 6 گرفتار ہوئے۔دستاویز کے مطابق ڈیرہ اسماعیل (ڈی آئی) خان میں شدت پسندی کے 37 واقعات میں 17 پولیس اہلکار شہید اور 14 زخمی ہوئے جبکہ 23 شدت پسند ہلاک اور 32 گرفتار کیے گئے۔سی ٹی ڈی دستاویز کے مطابق ٹانک میں 33 شدت پسندی کے واقعات رونما ہوئے، جن میں 5 پولیس اہلکار شہید اور 2 زخمی ہوئے جبکہ 16 شدت پسند ہلاک، 4 گرفتار کیےگئے۔دستاویز کے مطابق بنوں میں شدت پسندی کے 22 واقعات میں 5 پولیس اہلکار شہید اور 9 زخمی ہوئے ہیں جبکہ رواں سال 5 شدت پسند ہلاک اور 13 گرفتار کیےگئے۔سی ٹی ڈی دستاویز کے مطابق لکی مروت میں شدت پسندی کے 18 واقعات میں 5 پولیس اہلکار شہید اور 2 زخمی ہوئے جبکہ 9 شدت پسند ہلاک، 8 گرفتار کیےگئے۔دستاویز کے مطابق جنوبی وزیرستان میں شدت پسندی کے 8 واقعات میں 2 پولیس اہلکار شہید اور 3 زخمی جبکہ 8 شدت پسند ہلاک ہوئے ہیں۔سی ٹی ڈی دستاویز کے مطابق ہنگو میں 3 شدت پسند گرفتار کیے گئے جبکہ کرک میں شدت پسندی کے 3 واقعات میں 3 شدت پسند ہلاک اور 4 گرفتار ہوئے۔دستاویز کے مطابق باجوڑ میں شدت پسندی کے14 واقعات میں 11 پولیس اہلکار شہید اور 32 زخمی ہوئے جبکہ خیبرمیں شدت پسندی کے22 واقعات میں 8 شدت پسند ہلاک اور12 گرفتارکیے گئے۔سی ٹی ڈی دستاویز کے مطابق پشاور میں شدت پسندی کے 14 واقعات میں 2 ہلاک اور81 شدت پسند گرفتارکیے گئے جبکہ 7 پولیس اہلکار شہید اور 2 زخمی ہوئے۔