کوئٹہ: میٹروپولیٹن ملازمین کا تنخواہوں کی عدم ادائیگی اور دیگر مطالبات کے حق میں کوئٹہ میٹروپولیٹن کارپوریشن کے سبزہ زار میں احتجاج کیا۔
احتجاجی مظاہرے میں ملازمین نے میٹوپولیٹین کی نجکاری روکنے کا مطالبہ بھی کردیا۔ ملازمین کا مطالبہ کرتے وئے کہنا تھا کہ میٹروپولیٹین کے کنٹریکٹ ملازمین کو مستقل کیا جائے۔ڈیلی ویجز ملازمین کو حکومت کے مقرر کردہ اجرت کے برابر تنخواہ دی جائے۔ کمشنر و ایڈمنسٹریٹر کوئٹہ حمزہ شفقات نے احتجاجی جلسے میں شرکت کی کمشنر کوئٹہ حمزہ شفقات نے احتجاجی جلسے سے خطاب کرتے ہوئے کہا کہ میٹوپولیٹین ملازمین کو جان فشانی سے محنت کرنے پر خراج تحسین پیش کرتا ہوں۔چند سالوں سے میٹروپولیٹن کے فنڈز روکے گئے ہیں۔اب ملازمین کی تنخواہوں اور پینشن کا مسئلہ نہیں ہوگا۔ ملازمین کی پروموشن کا کام جلد شروع ہو جائے گا۔ ملازمین کی نوکریوں پر کوئی آنچ نہیں آنے دینگے۔ ہمارا مقصد کوئٹہ کو بہتر اور صاف رکھنا ہے۔ مزدوروں کے مسائل کے حل کے لیے آخری حد تک جائیں گے۔
