//

واشک میں مسافر بس کو حادثہ، 28افراد جاں بحق، درجنوں زخمی

Facebook
Twitter
LinkedIn
WhatsApp

وش ویب:بلوچستان کے ضلع واشک میں مسافر بس حادثے کا شکار ہو گئی جس کے نتیجے میں 28 افراد جاں بحق ہوگئے۔
تفصیلات کے مطابق بلوچستان کے ضلع واشک کے علاقے کلغلی میں مسافر بس کو حادثہ ٹائر پھٹنے کی وجہ سے پیش آیا، بس گوادر سے کوئٹہ جارہی تھی کہ ٹائر پھٹنے سے بس بے قابو ہوگئی اور کھائی میں جاگری جس کے نتیجے میں 6 افراد موقع پر ہی دم توڑ گئے۔
لیویز حکام کے مطابق حادثے کی اطلاع ملتے ہی امدادی کارروائیاں شروع کی گئیں اور زخمیوں کو بسیمہ اسپتال منتقل کیا گیا جہاں مزید 22 افراد زخموں کی تاب نہ لاتے ہوئے دم توڑ گئے.
مرنے والوں میں خواتین اور بچے بھی شامل ہیں۔لیویز حکام کا کہنا ہے کہ حادثے میں 22 افراد زخمی بھی ہوئے ہیں جن میں کئی کی حالت تشویشناک ہے جس کے باعث ہلاکتوں میں مزید اضافے کا خدشہ ہے۔

متعلقہ خبریں

اپنا تبصرہ لکھیں

Translate »