جیکب آباد کی تحصیل ٹھل میں بجلی کی غیر اعلانیہ لوڈ شیڈنگ کیخلاف جمعیت علمائے اسلام کے کارکنان نے دستی پنکھے اٹھا کر انوکھا احتجاج کیا اور سیپکو مخالف نعرے بلند کیے۔۔۔
مظاہرین نے رہبر چوک پر عبدالرزاق بنگلانی، غلام حیدر پٹھان اور اسامہ برڑو کی قیادت میں دستی پنکھے اٹھا کر انوکھا احتجاج کرتے ہوئے سیپکو کیخلاف خوب نعرے لگائے، مقررین کا کہنا تھا کہ ٹھل میں گرمی کی شدت میں اضافے کے باوجود بجلی کی غیر اعلانیہ لوڈ شیڈنگ کا سلسلہ جاری ہے دن اور رات کے اوقات بجلی بند رہنے سے عوام ذہنی اذیت کا شکار ہوچکے ہیں ٹھل شہر میں 16 گھنٹوں کی بدترین لوڈ شیڈنگ سے گھریلو صارفین، مریض اور بچے خاصی مشکلات سے دو چار ہیں.
مظاہرین کا کہنا ہے کہ گزشتہ دو ہفتوں سے مسلسل جاری احتجاج کے باوجود بھی کوئی نوٹس لینے کو تیار نہیں انہوں نے بجلی کی بندش کے خاتمے اور عوام کو رلیف فراہم کرنے کا مطالبہ کردیا۔۔۔