وش ویب : جیکب آباد میں بھی صحافی نصر اللہ گڈانی کے قتل کیخلاف ڈسٹرکٹ یونین آف جرنلسٹس پریس کلب کے زیر اہتمام ریلی نکالی گئی، ریلی میں صحافیوں سمیت سیاسی سماجی، مذہبی تنظیموں کے رہنماؤں اور شہریوں نے شرکت کی.
احتجاج کی قیادت ڈی یو جے کے صدر نواز سولنگی، جے یو آئی کے ڈاکٹر اے جی انصاری، ندیم احمد قریشی اور دیگر نے کی قیادت میں پریس کلب سے لیکر ڈی سی چوک تک احتجاجی مارچ کیا گیا، احتجاج میں شامل مظاہرین نے درج نعروں پر مشتمل بینرز اور پلے کارڈز اٹھا کر نصر اللہ گڈانی کے قتل کیخلاف نعرے بلند کیے،.
مقررین نے خطاب میں کہا کہ سندھ میں صحافیوں کو ٹارگٹ کیا جارہا ہے مظلوم اور بے پہنچ عوام کی آواز بلند کرنے والے صحافیوں کو نشانہ بنا کر انہیں ابدی نیند سلادیا جاتا ہے انہوں نے کہاکہ جان محمد مہر اور نصر اللہ گڈانی جیسے بہادر صحافی عوام کے حوصلہ مند ثابت ہوئے، مظاہرین نے نصر اللہ گڈانی کے قتل میں ملوث ملزمان کی گرفتاری کا بھی مطالبہ کیا۔۔۔
