وش ویب:پیٹرولیم مصنوعات میں نمایاں کمی کے حکومتی اقدام کے باوجود ٹرانسپورٹ کرایوں میں کمی نہ آسکی۔
سیکرٹری ٹرانسپورٹ کی طرف سے بھی کرایوں میں کمی کا شیڈول جاری نہ کیا جاسکا اور نہ ہی کرایوں میں خود ساختہ اضافے کے خلاف کوئی اقدام اٹھایا جارہا ہے جس پر سیاسی سماجی حلقوں نے شدید ردعمل کا اظہار کرتے ہوئے اسے متعلقہ حکام کی نااہلی قرار دیا ہے ۔
سماجی حلقوں کے مطابق حکومت کی طرف سے جب بھی پٹرولیم مصنوعات کی قیمتوں میں اضافے کا اٹھایا گیا ۔
ساتھ ہی ٹرانسپورٹرز نے شدید اضافہ کیا مگر جونہی حکومت نے پٹرولیم مصنوعات کے نرخوں میں کمی کی تو عوام نے خوشی کا اظہار کیا تاہم ٹرانسپورٹرز نے کمی کا ریلیف عوام کو فراہم نہیں کیا جو عوام کا کھلا استحصال ہے جبکہ سیکرٹری ٹی اے آر ٹی سمیت دیگر آفیسران نے خاموش تماشائی بنے ہوئے ہیں حتیٰ کہ کرایوں میں کمی کا شیڈول تک جاری نہیں کیا ٹرانسپورٹ کی صورتحال پہلے ہی ابتر ہے نہ تو پبلک ٹرانسپورٹ میسر ہے نہ ایس او پیز کا خیال رکھا جارہا ہے ۔ رہی سہی کسر بھاگ تا بختیار آباد روڈ پر آئے روز لوٹ مار نے پوری کردی ہے ۔ عوام شدید ذہنی اذیت کا شکار ہیں لیکن حکومتی رٹ کہیں نظر نہیں آرہی۔