وشویب :پاکستان کوسٹ گارڈز کی گوادر کے علاقے میرین ڈرائیو میں کارروائی عالمی مارکیٹ میں مالیت 54.3 ملین ڈالرکے لگ بھگ273 کلوگرام اعلی کو الٹی کی منشیات برآمد.
پاکستان کوسٹ گارڈز کے ترجمان کی پریس ریلیز کے مطابق پاکستان کوسٹ گارڈزکو خفیہ ذرائع سے اطلاع ملی کہ سمندر کے راستے بیش قیمت منشیات اسمگل ہونے کا خدشہ ہے۔جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں سرچ آپریشن کرنے کے احکامات جاری کئے۔
علاقہ کمانڈرنے موبائل گشت پارٹیاں تشکیل دے کر مشکوک مقامات کی کڑی نگرانی شروع کر دی،دوران سرچ جھنڈا پوسٹ(میرین ڈرائیو) میں کاروائی کرتے ہوئے مشکوک بوٹ کے خفیہ خانوں میں چھپائی گئی273 کلو گرام اعلی کوالٹی کی میتھ آئس برآمد کر لی گئی۔ پکڑی جانے والی منشیات کی عالمی مارکیٹ میں مالیت 54.3 ملین ڈالرکے لگ بھگ ہے۔
واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لئے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔