وش ویب:وزیراعلی بلوچستان میر سرفراز بگٹی نے بلوچستان اسمبلی کےاجلاس سے خطاب کیا۔
اپنےخطاب میں وزیر اعلیٰ بلوچستان کا کہنا تھا کہ صحافیوں کا واک آوٹ ختم کرنے پر شکریہ ادا کرتا ہوں۔ پریس کلب کی تالہ بندی کے حوالے سے حقائق جانے کےلئے کمیٹی بنادی گئی ہے۔
پریس کلب کی معاشرے میں بہت بڑی اہمیت ہے۔
پاکستان پیپلز پارٹی آزادی صحافت پر یقین رکھتی ہے،صحافیوں کے تحفظات دورکریں گے۔
سرفراز بگٹی کا مزید کہنا تھا کہ سردار بہادر خان یونیورسٹی میں اساتذہ کی بھرتی کے معاملےپر اسمبلی میں بحث ہونی چاہیے۔
جب اساتذہ میرٹ پر بھرتی نہیں ہوں گے تو وہ کیااچھی تعلیم فراہم کریں گے۔
اساتذہ کی بھرتیوں میں بےقاعدگیوں کی تحقیقات ہونی چاہیے، بلوچستان میں نوکریاں فروخت کرنےکا سلسلہ اب مزید نہیں چلے گا۔
محکمہ تعلیم اور صحت کی تباہی کی وجہ غیرضروری بھرتیاں ہیں۔ سرکاری ہسپتالوں میں غریب علاج کے لئے آتے ہیں سرمایہ دار نہیں ہے۔
اسمبلی میں بحث کی جائے کہ اساتذہ کی بھرتی میں کیا بہتراقدامات کرسکتے ہیں۔