لسبیلہ: بیلہ کراس کے مقام پر سندھ و بلوچستان کو ملانے والی اہم قومی شاہراہ کو شہید غلام نبی رونجھو کے لواحقین و بیلہ کے شہریوں نے قاتلوں کی عدم گرفتاری کے خلاف دھرنا دے کر مکمل طور پر ٹریفک کیلئے بلاک کردیا ہے اور بیلہ شہر میں بھی مکمل شٹرڈاون ہڑتال ہے۔
تفصیلات کے مطابق بیلہ کراس کے مقام پر سندھ و بلوچستان کو ملانے والی اہم قومی شاہراہ کو شہید غلام نبی رونجھو کے لواحقین و بیلہ کے شہریوں نے قاتلوں کی عدم گرفتاری کے خلاف دھرنا دے کر مکمل طور پر ٹریفک کیلئے بلاک کردیا ہے اور بیلہ شہر میں بھی مکمل شٹرڈاون ہڑتال ہے قومی شاہراہ بلاک ہونے سے ہزاروں مسافر پھنس گئے شدید گرمی تپتی دھوپ میں مسافروں کو شدید مشکلات کا سامنا ہے۔ مظاہرین کا کہنا ہے کہ بیلہ پولیس فوری طور پر شہید غلام نبی رونجھو کے قاتلوں کو گرفتار کریں دو ماہ گزر جانے کے بعد بھی مقتول کے قاتل گرفتار نہیں ہوسکے جو کہ لسبیلہ پولیس کی ناکامی کا منہ بولتا ثبوت ہے، ایس پی لسبیلہ کی جب سے تعیناتی عمل میں آئی ہے تب سے لسبیلہ کا امن سبوتاژ ہوگیا ہے لسبیلہ پولیس صرف چھالیہ و ایرانی تیل سے پیسے بٹورنے میں مصروف عمل دکھائی دیتی ہے لیکن لسبیلہ میں امن و امان کیلئے پولیس کا کوئی کردار دیکھنے کو نہیں مل رہا ہے۔ اس وقت لسبیلہ میں آٸے روز چوری ڈکیتی اور منشیات فروشی بھی عروج پر ہے۔ مگر اس کے خلاف کوئی ایکشن نہیں لیا جارہا ہے۔
