وش ویب:وفاقی وزیرداخلہ محسن نقوی نے وزیر اعلی بلوچستان سرفراز بگٹی سے کوئٹہ میں وزیراعلی ہاوس میں ملاقات کی سرفراز بگٹی نے وفاقی وزیرداخلہ محسن نقوی کی وزیر اعلی ہاؤس آمد کا خیر مقدم کیا اور باہمی دلچسپی کے امور۔ صوبے میں امن عامہ کی صورتحال اور دیگر اہم معاملات پر تبادلہ خیال کیا.
وفاقی وزیرداخلہ محسن نقوی کی امن عامہ کی صورتحال کی بہتری کیلئے ہر ممکن تعاون کی یقین دہانی کرواتے ہوئے کہا کہ بلوچستان اور بلوچ بھائیوں کی ہر طرح سے خدمت کےلیے وسائل حاضر ہیں ترقی کے سفر میں بلوچستان کا بہت اہم کردار ہے۔
وزیراعلی بلوچستان سرفراز بگٹی نے صوبے میں امن عامہ کے لئے تعاون پر وفاقی وزیرداخلہ محسن نقوی کا شکریہ ادا کرتے ہوئے کہا کہ صوبے میں امن و امان کے لئے تمام تر وسائل بروئے کار لانے جا رہے ہیں۔
اس موقع پر بلوچستان کے وزیر داخلہ ضیا لانگو اور وفاقی سیکرٹری داخلہ خرم آغا بھی اس موقع پر موجود تھے.