وش ویب:شیخ جعفر مندوخیل بلوچستان کے 24 ویں گورنر منتخب ہوگئے، گورنر ہاؤس کوئٹہ میں حلف برداری کی تقریب منعقد کی گئی.
چیف جسٹس بلوچستان ہائی کورٹ محمد ہاشم خان کاکڑ حلف لیا ۔
تقریب میں وزیراعلیٰ بلوچستان میر سرفراز بگٹی ، صوبائی کابینہ ، اعلی حکام اور عمائدین شریک ہوئے.
تقریب حلف برداری کے بعد میڈیا سے گفتگو کرتے ہوئے گورنر بلوچستان نے کہا کہ وفاق اور صوبے کے درمیان پل کا کردار ادا کروں گا،صوبے کےمسائل اور مشکلات کے حوالے سے وفاقی حکومت سے بات کی جائےگی، صوبے میں گورننس کےحوالے سے بہتری کی گنجائش ہے۔
انہوں نے کہا کہ گوادر میں باڑ لگانے کے حوالے سے علم نہیں، اگر سکیورٹی مقاصد کے لیے لگائی جارہی ہے تو اچھی بات ہے۔
شیخ جعفر مندوخیل کا شمار بلوچستان کے سینئیر سیاست دانوں میں ہوتا ہے ۔وہ 3 مرتبہ 2002 ، 2008 اور 2013 کے جنرل الیکشنز میں بلوچستان اسمبلی رکن منتخب ہوئے
واضح رہے کہ صدر مملکت آصف علی زرداری نے جعفر خان مندو خیل کی بطور گورنر بلوچستان تعیناتی کی منظوری آئین کے آرٹیکل 101 (ایک) کے تحت دی۔