کوئٹہ (احسن انور) : بلوچستان لیبر فیڈریشن ، آل پاکستان کلرکس ایسوسی ایشن اور دیگر تنظیموں کے زیر اہتمام محکمہ واسا کوئٹہ کے ملازمین اور مزدوروں نے تنخواہوں، پینشنرز کی عدم ادائیگی اور الاؤنسز کی مد میں کٹوتی کے خلاف احتجاجی ریلی نکالی جو کہ کویٹہ کی مختلف شاہراہوں سے ہوتی ہوئی ایدھی چوک پہنچی جہاں احتجاجی دھرنا بھی دیا گیا۔
اس موقع پر ریلی کے شرکا نے تنخواہوں اور پنشن کی عدم ادائیگی کے خلاف نعرے بازی کی ۔
واسا ملازمین نے دو ماہ کی تنخواہوں کی تاحال عدم ادائیگی کی مذمت کرتے ہوئے کہا کہ حکومت کے پاس نہ تو ملازمین کی تنخواہوں کے لیے پیسے ہیں اور نہ ہی پنشن کی ادائیگی کے لیے فنڈز ہیں۔ ایسے میں ملازمین احتجاج نہ کریں تو کیا کریں۔
مظاہرین کا مزید کہنا ہے کہ فوری طور پر ملازمین کو تنخواہیں ادا کی جائیں اور الاؤنسز کی مد میں کٹوتی بند کی جائے، اگر ایسا نہ ہوا تو بلوچستان لیبر فیڈریشن، ایپکا اور دیگر تنظیموں کے ساتھ مل کر سخت لائحہ عمل کا اعلان کرتے ہوئے کوئٹہ میں پانی کی بندش اور اوزار چھوڑ احتجاج کا اعلان کرینگے جس کی تمام تر ذمہ داری متعلقہ حکام پر عائد ہوگی۔
