وش ویب : بلوچستان میں بارشوں کا پہلا سلسلہ ابھی تھما نہیں تھا کہ محکمہ موسمیات نے مزید بارشوں کی پیشگوئی کردی۔
محکمہ موسمیات کے مطابق صوبے میں آج رات سے رواں ہفتے 19 اپریل تک مزید بارشوں کا امکان ہے۔
محکمہ موسمیات نے صوبے کے بیشتر اضلاع میں موسم خشک اور مطلع جزوی ابر آلود رہنے کے علاوہ رات کے اوقات میں چاغی، واشک، کیچ، پنجگور اور گوادر میں گرج چمک کے ساتھ بارش کا امکان ہے۔
محکمہ موسمیات نے ہدایت کی ہے کہ تیز بارشوں کے دوران سیاح حضرات غیر ضروری سفر سے اجتناب کریں جب کہ پی ڈی ایم اے نے تمام اضلاع کے ڈپٹی کمشنروں کو الرٹ رہنے کی ہدایت کردی ہے۔
محکمہ موسمیات کے مطابق گزشتہ 24 گھنٹوں کے دوران کوئٹہ 33، سبی 28، دالبندین، ژوب 19، قلات 16، سمنگلی 11، بارکھان 7، لسبیلہ 5 اور نوکنڈی میں 2 ملی میٹر بارش ریکارڈ کی گئی۔
گوادر،کیچ، پنجگوراور تربت میں تیز ہواؤں اور جھکڑ چلے،گرج چمک کے ساتھ بارش ہوئی جب کہ گوادر کی تحصیل پسنی میں شدید بارش سے کئی گھروں میں پانی داخل ہوگیا۔
