پسنی ( ساجد نور): گوادر کے سب ڈویژن پسنی میں بارش نے تباہی مچادی ہے.
چار گھنٹے سے جاُری بارش نے پوری آبادی کو اپنی لپیٹ میں لے لیا۔بارش کا پانی رہائشی گھروں کے اندر داخل ہوگیا جبکہ پسنی کے مین بازار میں پانی دوکانوں کے اندر داخل ہوا، جس سے تاجروں کو نقصان کا سامنا کرنا پڑا ہے۔بارش سے زوبگ محلہ میں ایک مکان کی چھت گر گئی اور گرلز اسکول کی چاردیواری بھی منہدم ہوگئی۔محکمہ موسمیات کے مطابق پسنی میں اب تک89.1 ملی میٹر بارش ریکارڈ کی گئی ہے۔
