کوئٹہ(بلال فیروز): جوائنٹ ایکشن کمیٹی جامعہ بلوچستان کے پروفیسرز اور دیگر ملازمین کا عید کے روز بھی احتتاجی دھرنا جاری رہا۔ مظاہرین نے نماز عیدالفطر کی ادائیگی کے بعد بلوچستان یونیورسٹی کے مین گیٹ پر احتتاجی دھرنا دیا جہاں جامعہ بلوچستان کے ملازمین نے بڑی تعداد میں شرکت کی اور اپنے مطالبات کے حق میں نعرے بازی بھی کی۔ اس موقع پر مظاہرین نے وش نیوز سے بات کرتے ہوئے کہا کہ ماہ مقدس میں جامعہ بلوچستان کے اساتذہ کرام اور ملازمین نے بڑی تنگدستی میں روزے گزارے، طویل اور کھٹن احتجاج کے باوجود وزیر اعلی بلوچستان کی تنخواہوں اور پنشنز کی ادائیگی کے اعلان پر عملدرآمد نہیں ھوا لہذا ہم مجبورا عید الفطر کے دن بھی احتتاج کرنے پر مجبور ہیں۔
بلوچستان کے اساتذہ کرام اور ملازمین نے اپنے مطالبات دھراتے ہوئے کہا کہ چار مہینوں کی تنخواہوں اور پنشنز و ریسرچ سینٹرز کے اساتذہ اور ملازمین کو سالانہ بجٹ میں اعلان شدہ 35 فیصد اور منظور شدہ الاؤنسز کی ادائیگی فوری طور پر یقینی بنائی جائے بصورتِ دیگر سخت لائحہ عمل تیار کیا جائے گا ۔ اس موقع پر رکن صوبائی اسمبلی پرنس آغا عمر نے بھی مظاہرین کے ساتھ اظہار یکجہتی کیلئے احتتاجی دھرنے میں شرکت کی اور تمام بقایا جات کی ادائیگی کا یقین بھی دلایا ۔