وشویب: پنجگور میں لیویز چیک پوسٹوں پر بھتہ گیری، روزانہ لاکھوں روپے وصول کیے جانے لگے۔
ذرائع کے مطابق پنجگور تربت کے درمیان آدھے سے زیادہ لیویز فورس کی چیک پوسٹ ہیں اور اکثر دیکھا گیا ہے کہ اہلکار ان ناکوں پر تیل بردار گاڑیوں سے پیسے بٹورتے ہوئے نظر آتے ہیں اور پیسے نہ دینے کی صورت میں گاڑیوں کے ڈرائیورز کو تشدد کا نشانہ بناتے ہیں، خصوصاً گوران، ہنگول اور دیگر چیک پوسٹوں پر روانہ لاکھوں روپے گاڑیوں سے وصول کیے جاتے ہیں، یہ سلسلہ کمشنر مکران، ڈپٹی کمشنر پنجگور یا کسی اعلیٰ حکام کی ملی بھگت سے چل رہا ہے یا چیک پوسٹ والے من مانی کررہے ہیں، یہ ایک جواب طلب مسئلہ ہے۔
اس سلسلے میں کمشنر مکران، ڈپٹی کمشنر پنجگور اور دیگر ذمہ داران بہتر جواب دے سکتے ہیں۔ دوسری جانب ایران بارڈر جانے اور آنے والی گاڑیوں سے فی گاڑی دو ہزار روپے وصول کیا جاتا ہے، اگر فی گاڑی دو ہزار کے حساب سے لگایا جائے تو روازنہ تین سو گاڑیوں کا حساب لگایا جائے تو روزانہ چھے لاکھ اور مہینے کے ایک کروڑ 80 لاکھ روپے بنتے ہیں اگر دونوں پوائنٹ کا حساب لگایا جائے چھے لاکھ چیدگی بارڈرز، چھے لاکھ پروم بارڈرز تو مہینے کے تین کروڑ سے زیادہ بنتے ہیں۔ چیف سیکرٹری بلوچستان، کمشنر مکران، ڈپٹی کمشنر پنجگور اس حوالے سے بہتر جواب دے سکتے ہیں۔
