وش ویب: پیپلز پارٹی کے ذرائع نے کہا ہے کہ بلوچستان کابینہ سینیٹ انتخابات کے بعد تشکیل دینے کا فیصلہ کیا گیا ہے۔
پی پی ذرائع کے مطابق وزیر اعلی بلوچستان میر سرفراز بگٹی نے پی پی قیادت کو بلوچستان کابینہ سینیٹ انتخابات کے بعد تشکیل دینے کے فیصلے پر اعتماد میں لے لیا ہے۔بلوچستان میں بیشتر حکومتی اراکین کابینہ میں شمولیت کے خواہش مند ہیں، اور عدم شمولیت پر اتحادی اراکین کی ناراضگی کا خدشہ ہے، ذرائع کا کہنا ہے کہ ن لیگ کے نئے مطالبے سے وزارتوں کی تقسیم اور کابینہ کی تشکیل کے معاملات تعطل کا شکار ہو گئے ہیں۔ن لیگ بلوچستان میں طے شدہ معاہدہ تسلیم کرنے سے انکاری ہے اور کابینہ میں زیادہ نمائندگی کی خواہش مند ہے. اس وقت ن لیگ بلوچستان میں 8 وزارتوں اور 2 معاونین کا مطالبہ کر رہی ہے، جبکہ ان کے ساتھ بلوچستان کابینہ میں 6 وزارتوں کا معاہدہ ہوا تھا،.ذرائع کا کہنا ہے کہ ن لیگ کو طے شدہ سے زیادہ وزارتیں نہیں دی جا سکتیں اور ان کو معاہدے کی پاس داری کرنی ہوگی۔
