وش ویب: ہزارہ ڈیمو کریٹک پارٹی کوئٹہ سے بلوچستان اسمبلی کے حلقے پی بی 40 اور 42 کے انتخابی نتائج بلوچستان ہائی کورٹ میں چیلنج کردئیے.
پی بی 40 کے انتخابی نتائج کو ایچ ڈی پی کے رہنما قادر نائل جبکہ پی بی 42 کے نتائج کو چیئرمین عبدالخالق ہزارہ نے چیلنج کردیا. اس موقع پر خالق ہزارہ نے کہا کہ 8فروری کو بدترین دھاندلی کی گئی، ہمارے پاس قانون فورم کے سوا کوئی راستہ نہیں تھا، ہم نے اٹھارہ دن دھرنا دیا،ہم جمہوری اور پارلیمانی راستہ اختیار کریں گے.الیکشن کمشین کی جانب سے ڈیڑھ ماہ بعد کوئی انصاف نہیں ملا.الیکشن ٹریبونل میں بھی اپنا کیس فائل کریں گے.میرے اوپر کرپشن کے الزامات غلط ہے،جس رقم کے الزامات لگائے جا رہے ہیں اس کے ثبوت موجود ہیں،ہمیں سیاسی انتقام کا نشانہ بنایا جارہا ہے۔
