وش ویب: چیئرمین نیب لیفٹیننٹ جنرل(ر) نذیر احمد کی ہدایات پر گوادر میں نیب (بلوچستان) کے سب آفس کا قیام۔
ڈائریکٹرجنرل نیب (بلوچستان) کا سب آفس نیب گوادر کا دورہ۔ڈی جی نیب بلوچستان کی جانب سے کہا گیا کہ گوادر میں نیب (بلوچستان) کے سب آفس کا قیام عمل میں لایا گیاہے۔ سب آفس کا قیام بدعنوانی کے خلاف مؤثر طریقے سے رسائی کو بڑھانے اور بدعنوانی سے نمٹنے کے لیے نیب کے عزم کی نشاندہی کرتا ہے۔ چیئرمین نیب نے گوادر میں احتساب کا ایک مربوط نظام قائم کرنے کی اہمیت پر زور دیا ہے۔نیب کے گوادر سب آفس کے قیام سے علاقے کی عوام کو بدعنوانی کے خلاف شکایات کو درج کرانے میں نسبتاََ آسانی ہو گی۔ پبلک سیکٹر کے پروجیکٹ میں شفافیت بڑھانے اور سرکاری اور نجی اداروں میں جوابدہی کے کلچر کو فروغ دینے میں گوادر سب آفس کی اہمیت ہوگی۔ گوادر بلوچستان کا ایک بندرگاہی شہر ہے اور اس میں ایک بڑے تجارتی مرکز کے طور پر بے پناہ ترقی کے امکانات ہیں۔ شفافیت، احتساب اور گڈ گورننس کو فروغ دینے والے اقدامات ناگزیر ہیں۔