وش ویب:پاکستان کوسٹ گارڈ نے خفیہ ذرائع سے ملنے والی اطلاع کی بنیاد پر گوادر (بلوچستان) کے علاقے سر بندر میں دوران سرچ اپریشن ایک ملزم کے قبضے سے 2 عدد بوریوں میں چھپائے گئے 36 عدد پستول برآمد کر کئے گئے۔
گرفتار ملزم کی نشان دہی پر مزید کاروائی کرتے ہوئے قریبی گھروں کی تلاشی کے دوران ایک عدد موٹر سائیکل ، 2 گاڑیاں اور ایک ڈبل بیرل شاٹ گن برآمد کرتے ہوئے 6 مشتبہ افراد کو اسلحہ اسمگلنگ میں ملوث ہونے کی بنیاد پر گرفتار کیا گیا۔ مذکورہ اسلحہ،گاڑیاں اور ملزمان کو حراست میں لیکر قانونی کاروائی شروع کر دی ہے۔
پاکستان کوسٹ گارڈز نے ایک اور کاروائی میں پاکستان کوسٹ گارڈز نے جیوانی کے علاقے میں سمندر میں اینٹی ٹرالنگ آپریشن کرتے ہوئے ایک عدد فشنگ ٹرالر کو دو گھنٹے تعاقب کرنے کے بعد قبضے میں لے کر جیوانی جیٹی پر منتقل کر کے بلوچستان فیشریز کے حوالے کر دیا۔
واضح رہے کہ پاکستان کوسٹ گارڈز منشیات اور ہر طرح کی اسمگلنگ کی روک تھام کے لیے ہمہ وقت مصروف عمل ہے اور منشیات اور غیر قانونی اسلحہ کی لعنت سے معاشرے کو پاک کرنے میں اپنا کردار ادا کرتی رہے گی۔