وش ویب: بلوچستان کے ضلع ہرنائی کی کوئلے کی کان پیش آنے والے واقعہ میں میں پھنسے 4 مزید کان کنوں کی لاشیں نکال کی گئی۔ جس کے بعد جاں بحق ہونے والے کان کنوں کی تعداد 12 ہوگئی۔
چیف مائنز انسپیکٹر کے مطابق کوئلہ کان سے 8 کان کنوں کو پہلے ہی زندہ ریسکیو کرلیا گیا تھا.واضح رہے کہ ہرنائی کی کوئلے کی کان میں گیس بھرنے سے دھماکے کے بعد 12 کان کن پھنس گئے تھے، جن کی مدد کے لیے جانے والے 8 مزید کان کن بھی کوئلے کی کان میں پھنس گئے تھے۔ایک ہزار فٹ کی گہرائی میں پھنسے کان کنوں کو نکالنے کے لیے باقاعدہ ریسکیو آپریشن کیا گیا۔ڈی جی پی ڈی ایم اے کے مطابق 2 ٹیمیں ہرنائی کے ریسکیو آپریشن میں موجود تھیں۔جس پر وزیرِ اعلیٰ بلوچستان سرفراز بگٹی نے واقعے کا نوٹس لیتے ہوئے ریسکیو آپریشن تیز کرنے کی ہدایت کی اور واقعے کی رپورٹ طلب کرلی تھی۔
دوسری جانب وزیر اعظم شہباز شریف نے زخمی کان کنوں کو ہر ممکن طبی امداد فراہم کرنے کی ہدایت کی ہے۔انہوں نے کہا کہ اس طرح کے واقعات انتہائی تکلیف دہ اور افسوس ناک ہیں، غم کی گھڑی میں متاثرہ خاندانوں کے ساتھ کھڑے ہیں۔وزیرِ اعظم کا کہنا ہے کہ حکومت زخمیوں اور متاثرہ خاندانوں کو ہر ممکن ریلیف دے گی۔
