وش ویب:بی ایس او شال زون کے آرگنائزر واجہ کبیر بلوچ نے میڈیا سے گفتگو کرتے ہوئے کہا کہ ڈائیریکٹر کالجز کلیم اللہ لانگو اور پرنسپل پوسٹ گریجویٹ کالج سریاب روڈ کوئٹہ کو فوری طور پر معطل کرکے ان پر انکوائری بٹھائی جائے اور انکا تبادلہ کیا جائے.
دونوں موصوف اعلیٰ درجے کے کرپٹ اور ظالم ہیں ، اور طلباءو طالبات کے حقوق پر ڈاکہ ڈالنے والے کرپٹ افسران ہیں ، کالجز کے سالانہ بجٹ کالج پر خرچ کرنے کے بجائے اپنے جیبوں میں ڈالا جاتا ہے.
انہوں نے کہا کہ عام تعطیلات کے بعد تمام تعلیمی ادارے تو کھل گئے ہیں مگر وہی پر طلباءبہت بڑے ظلم کا شکار ہیں۔
پوسٹ گریجویٹ کالج ہاسٹل کا چارجز5 ہزار روپے رکھا گیا ہے جوکہ اس مہنگائی کے دور میں بہت بڑی رقم ہے جسے طلباءادا نہیں کرسکتے ، طالب علموں کو گھروں سے 10 ہزار ماہانہ بڑی مشکل سے ملتا ہے اگر وہ 5 ہزار ہاسٹل رہائش کے مد میں دیں تو وہ پورا ماہ اپنا گزر سفر کیسے کریں گے۔
انہوں نے کہا کہ طالب علموں کو لوٹنے کا یہ ایک نیا طریقہ شروع کیا گیا جائے جسے بی ایس او کبھی کامیاب ہونے نہیں دے گی ، انہوں نے سیکرٹری تعلیم سے مطالبہ کیا ہے کہ فوری طور پر پرنسپل اور ڈائیریکٹر کی جانب سے دیے گئے احکامات کو کینسل کیا جائے اور طلباءسے ہاسٹل چارجز نارمل لیا جائے تاکہ وہ اپنی درس و تدریس کا سلسلہ جاری رکھ سکیں۔