وش ویب:ٌ بلوچستان میں پہلی خواجہ سرا نے بطور کانسٹیبل کیریئر کاآغازکردیا۔
بیوٹمز سے گریجویشن کرنے والی آبے شا بشارت نے بتایا کہ وہ گزشتہ کئی سال سے مختلف غیر سرکاری تنظیموں سے وابستہ رہی ہیں جہاں وہ خواجہ سراﺅں کو معاشرے میں ان کے حقوق دلانے کیلئے جدوجہد کر رہی تھی.
انہوں نے بتایا کہ آئی جی پولیس کو جب میرے بارے میں علم ہوا تو انہوں نے مجھے پولیس میں بھرتی کی آفر کی جو ان کا بہت بڑا قدم تھا اور میں نے سوچا کہ پولیس میں رہ کر خوا جہ سرا ﺅں کی زیادہ بہتر انداز میں مدد کر سکتی ہوں۔
جس کے بعد تمام قانونی تقاضے پورے کرنے کے بعد بھرتی کیا گیا ،انہو ں نے مزید بتایا کہ بلوچستان پولیس میں خواجہ سراﺅں کو کام کا بہتر ماحول میسر ہے اور بہت عزت و تکریم کی نظر سے دیکھاجاتا ہے جس کے بعد بلوچستان پولیس میں مزید خواجہ سراﺅں نے بھی شمولیت کی خواہش ظاہر کی ہے۔
آبے شا بشارت کا کہنا تھا کہ وہ منصب پر فائز ہونے کے بعد خواجہ سرا برادری کو درپیش مسائل کا خاتمہ کرنے کی کوشش کریں گی۔وہ اس پوزیشن کو اپنا کیرئیر نہیں بلکہ اپنی برادری کی نمائندگی کرتے ہوئے اسے ایک سنگ میل سنجھتی ہیں۔