وش ویب: صوبائی دارلحکومت کوئٹہ میں ماہ رمضان کی آمد گوشت اور سبزیوں کی قیمتوں میں اضافہ.
تفصیلات کے مطابق صوبائی دارلحکومت کوئٹہ میں ماہ رمضان کی آمد گوشت اور سبزیوں کی قیمتوں میں اضافے کے سبب شہری پریشان ہوگئے .دوروز قبل 60روپے فی کلو فروخت ہونے والا ٹماٹر اب 250فری کلو ہوگیا، مٹر 100روپے کلو اب 200روپے کلو فروخت ہورہا ہے، بھنڈی 300روپے کلو فروخت جاری ہے. اسی طرح آلو پیاز سمیت تمام سبزیوں کے نرخوں کو پر لگ گئے. اسی طرح بڑا گوشت 1100روپے چھوٹا گوشت2000روپے فی کلو فروخت جاری ہے.مرغی کی قیمت فی کلو 650روپے فروخت جاری ہے. پرائس کمیٹی ان کے خلاف کاروائی کے بجائے وہ اپنی منتھلی لے کر خاموش تماشائی بنے ہوئے ہیں.
شہریوں نے وزیر اعلی بلوچستان سرفراز بگٹی سے اپیل کی ہے کہ خدارا خود ساختہ مہنگائی کرنے والوں کے خلاف کاروائی کی جائے تاکہ ماہ رمضان کے دوران شہریوں کو سبزی اور گوشت سرکاری نرخ پر میسر ہو سکیں اور جو سرکاری نرخ سے اضافی پیسے لے ان کے خلاف کاروائی عمل میں لائی جائے تاکہ شہریوں کوماہ رمضان کے دوران سستے داموں سبزی اور گوشت کی فراہمی ممکن ہوسکیں .
دنیا بھر میں مذہبی تہواروں کے دوران نرخ نصف سے بھی کم کیے جاتے ہیں تاکہ وہ تہوار منانے والے اپنے خوشیاں منا سکیں، ہمارے ملک میں ماہ رمضان شروع ہونے سے قبل قیمتوں کو پر لگ گئے جس کی وجہ سے عام شہری بہت پریشان ہیں. حکومت وقت اس چیز کا نوٹس لے.
