وش ویب : اسٹیٹ بینک آف پاکستان کی جانب سے تمام بینکوں اور مالیاتی اداروں کو بھجوائے گئے اعلامیہ کے مطابق رمضان المبارک کے دوران مرکزی بینک میں دفتری اوقات کار پیر سے جمعرات تک صبح 9 سے سہ پہر 3 بجے تک مقرر ہوں گے۔
جبکہ جمعہ کو صبح ساڑھے آٹھ سے ایک بجے تک بغیر کسی وقفے کے دفتری کام ہوگا۔ اس کا اطلاق تمام بینکوں اور مالیاتی اداروں پر بھی ہوگا۔
بینکوں اور مالیاتی اداروں سے کہا گیا ہے کہ وہ درج ذیل پبلک ڈیلنگ کے اوقات پر عمل کریں۔
پیر سے جمعرات صبح نو بجے سے دوپہر دو بجے تک بغیر کسی وقفے کے پبلک ڈیلنگ کریں جبکہ جمعہ کو صبح ساڑھے آٹھ سے ایک بجے تک بغیر کسی بریک کے اس پر عمل کریں۔
مرکزی بینک کے مطابق اسکا اطلاق تمام بینکوں اور مالیاتی اداروں پر ہوگا۔ اعلامیہ کے مطابق رمضان کے بعد خود بخود پرانے بینکنگ کے اوقات کار بحال ہوجائیں گے۔