وش ویب: پاکستان پیپلز پارٹی اور تمام اتحادی جماعتوں نے وزیر اعلی بلوچستان میر سرفراز احمد بگٹی کی قیادت میں صوبے میں گڈ گورننس کے قیام، عوام کی فلاح و بہبود دہشت گردی کے خاتمے، پائیدار قیام امن کا عزم کرتے ہوئے صوبے میں رواداری پر مبنی سیاسی روایات کو برقرار رکھنے کا اعادہ کیا ہے.
جمعہ کو وزیر اعلی بلوچستان میر سرفراز احمد بگٹی کی جانب سے دئیے گئے عشائیہ میں شریک اراکین بلوچستان اسمبلی نے صوبے میں عوام کی فلاح و بہبود اور ترقی کے لئے یکجا سوچ کے تحت آگے بڑھنے اور صوبے کو ترقی کی راہ پر گامزن کرنے کے لئے پختہ عزم ظاہر کیا ہے.
اراکین صوبائی اسمبلی سے بات چیت کرتے ہوئے وزیر اعلی میر سرفراز احمد بگٹی نے کہا کہ بلوچستان روایتوں کا امین صوبہ ہے ہماری کوشش ہوگی کہ بلوچستان اور یہاں کے عوام کی ترقی کے لئے سب کو ساتھ لیکر چلیں اور اچھی طرز حکمرانی قائم کرکے عوام کومشکلات اور مسائل سے نجات دلائیں۔