وش ویب:بلوچستان اسمبلی میں بھی صدارتی انتخاب کے لیے پولنگ ہوئی چیف جسٹس بلوچستان ہائی کورٹ نعیم اختر افغان کو پریزائیڈنگ افسر مقرر کیا گیا تھا۔
پیپلز پارٹی کے اراکین اسمبلی ظہور بلیدی اور علی مدد جتک کو آصف زرداری کے پولنگ ایجنٹ مقرر کیے گئے تھے۔ بلوچستان اسمبلی کے ارکان کی مجموعی تعداد 65 ہے۔
جس میں سے 47 اراکین اسمبلی نے اپنے ووٹ کاسٹ کئے اور پیپلز پارٹی کے آصف علی زرداری بلوچستان اسمبلی سے 47 ووٹ لیکر کامیاب ہوگئے۔ بلوچستان اسمبلی میں پیپلز پارٹی کے آصف علی زرداری کو ٹوٹل 47 ووٹ ملے۔
صدارتی انتخاب میں جمعیت اور بی این پی عوامی نے بائیکاٹ کیا۔
دھاندلی کیخلاف احتجاج کرنیوالی نیشنل پارٹی نے بھی آصف زرداری کو ووٹ دیا۔ ن لیگ ‘ پیپلز پارٹی ‘ عوامی نیشنل پارٹی ‘ آزاد رکن اسمبلی مولوی نوراللہ ‘ نیشنل پارٹی نے بھی آصف زرداری کو ووٹ دیا۔